第0067篇
瀨戶內國際藝術祭2019 系列回顧 (25/?)
豐島 島廚房 島キッチン
考慮咗一陣, 究竟分唔分享喺豐島上面, 島廚房 (島キッチン) 嘅經驗。
唔講, 因為真係冇入去食過, 唔想寫一啲上網搵返嚟啲資料, 再重新組合嘅文章, 因為我哋嘅宗旨係分享我哋嘅經驗。所以今次就講點解食唔到嘅經驗, 哈哈。
我哋參觀完 暴風之家 ストームハウス 到達島廚房 接近十二點, 本來想坐低食午飯休息一下, 點知大部分正餐已經售完。見佢仲有少少輕食三文治, 飲品咁就繼續排隊, 排咗一陣見條隊冇移動過, 我就四圍行下。
喺出面兜咗個圈, 行下行下到咗 島廚房 後面, 原來佢個用餐區係好靚, 靚到唔想起身。我自己預計好多遊客包括我自己都會想坐多一陣, 感受下個環境。
一嚟, 我哋唔係好肚餓, 二來喺唔知要等幾耐嘅情況底下, 我哋決定離開。想返轉頭, 由唐櫃港行上到島廚房正好係午餐時間, 大家都係差唔多嘅時間到達, 大家都係開始肚餓需要食午飯, 佢多人係正常。
我個仔, 唔麻煩嗰陣時真係好可愛。佢喺島廚房等緊位嗰陣時, 自己揸住把遮喺度跳舞, 哈哈。
- 旅行日期 : 2019年10月9日
- 地點 : 島廚房 島キッチン
- 地址 : 〒761-4662 香川県小豆郡土庄町豊島唐櫃1061
- 地圖 : https://goo.gl/maps/Zej9j2RHhJAn1jnG7
- Mapcode : 高松港 60 666 094*71
- Google Plus Code : 高松港 923X+MF 高松市 日本 Kagawa, 島廚房 島キッチンF3MP+WP 土庄町 日本 Kagawa
- 網址 : http://shimakitchen.com/
- 豆評級 : 去開附近，可以一去。
#豆豆日遊 🙋🏻♂️🙋🙋🏻 #豆豆藝術 #瀨戶內國際藝術祭 #SetouchiTriennale #豐島 #香川 #高松 #島廚房 #島キッチン
- 謝謝閱讀。
👇👇👇歡迎轉載，請註明出處，如果覺得有用請讚好我們的 Facebook專頁，分享給朋友，當有新文章時就可以優先知悉，謝謝。
- 🙋🏻♀️🙋🏻♀️🙋🏻♂️關於其他的分享, 請點擊以下地圖, 圖示內的連結。
