第0068篇
瀨戶內國際藝術祭2019 系列回顧 (26/?)
豐島 檸檬ホテル, あなたの最初の色（私の頭の中の解-私の胃の中の溶液）, 豊島ウサギニンゲン劇場
計劃行程嗰陣時, 有考慮過揸架車上豐島, 兩日一夜嘅行程, 後來放棄咗。而家睇返轉頭係正確嘅決定。豐島上行車路唔多, 太多人, 冇停車位, 架車發揮唔到佢應有嘅效果, 但係錢就用多咗好多。
唔知同平日有冇關係, 雖然是瀨戶內海藝術節秋季會期期間, 但有部分藝術品冇開。又冇話好失望, 反正有機會再去過。
我哋到咗 檸檬ホテル , 佢冇開。當我哋剛想離開, 有一班外國背包客正在check in, 佢有問我哋想唔想一齊入去參觀, 我諗咗一陣, 都係婉拒咗。既然, 酒店在入口處寫清楚今日謝絕參觀, 我哋上到去都係面懵懵咁落返嚟, 我相信面懵懵依個感覺會影響我哋嗰日嘅心情。
離開之後, 我哋搵咗好耐, 搵唔到あなたの最初の色（私の頭の中の解-私の胃の中の溶液）。後尾發現原來喺島廚房 (島キッチン) 後面用餐區嘅旁邊。佢係一個小穀倉改建而成, 穀倉頂有一個類似圓形嘅投射幕, 投影機射緊一啲畫面落去, 全部人都抬起個頭睇, 唔知佢係咪講緊地球嘅形成, 太深奧睇唔明。
後尾我哋到咗豊島ウサギニンゲン劇場/Teshima usaginingen Theater, 冇開。雖然好多地方冇開, 但係我哋都好鍾意呢個位, 好似之前講我哋好鍾意呢個村莊嘅寧靜。
- 旅行日期 : 2019年10月9日
- 地點 : 檸檬ホテル, あなたの最初の色（私の頭の中の解-私の胃の中の溶液）, 豊島ウサギニンゲン劇場
- 地址 : 〒761-4662 香川県小豆郡土庄町豊島唐櫃1061
- 地圖 : https://goo.gl/maps/oJTpNdUoT5TuQrCw9
- Mapcode : 高松港 60 666 094*71
- Google Plus Code : 高松港 923X+MF 高松市 日本 Kagawa,
- 網址 : lemonhotel.jp, setouchi-artfest.jp, usaginingen.com
- 豆評級 : 去開附近，可以一去。
#豆豆日遊 🙋🏻♂️🙋🙋🏻 #豆豆藝術 #瀨戶內國際藝術祭 #SetouchiTriennale #豐島 #香川 #高松 #檸檬ホテル, #あなたの最初の色 #私の頭の中の解 #私の胃の中の溶液, #豊島ウサギニンゲン劇場
- 謝謝閱讀。
👇👇👇歡迎轉載，請註明出處，如果覺得有用請讚好我們的 Facebook專頁，分享給朋友，當有新文章時就可以優先知悉，謝謝。
- 🙋🏻♀️🙋🏻♀️🙋🏻♂️關於其他的分享, 請點擊以下地圖, 圖示內的連結。
