瀨戶內國際藝術祭2019 系列回顧 (26/?)
豐島 豐島橫尾館
我們離開 島廚房, 選擇乘坐藝術節期間專有小巴, 到達家浦港, 正確地點是豊島交流センター, 因為想睇 豐島橫尾館 同 針工場 。
豐島橫尾館係一個令我們印象深刻嘅地方, 除咗因為佢嘅藝術品, 仲有之前發生嘅小插曲在這裏完結。
豐島橫尾館係幾間日式房屋組合成為一個藝術品。入到去順路第一間屋, 用好多紅色大落地玻璃做裝飾, 當日陽光普照, 陽光透過紅色射入屋內, 反映到全部都係紅色。我嗰一刻係感覺到戰爭同血。
庭園係一個我喜歡嘅地方。同傳統日式庭園一樣, 有河有景品石, 橫尾忠則先生就係喺條河同景品石落功夫。小河用馬賽克做河底, 另外部分景品石用紅色塗裝。河一直延伸去到主屋底, 穿過主屋到屋的另一側。屋裏部分榻榻米地板就用透明玻璃代替, 這個概念我好喜歡。主屋裏係嚴禁攝影, 要感受就唯有親身去。不過, 好彩豐島橫尾館 除咗瀨戶內海藝術節開放之外, 平日都開放, 時間可以在官網查詢。
當我們想離開時, 個職員大叔見到個仔揸住咗巴士站限定嘅雨傘, 個大叔堅持要沒收。 雖然我們應承喺離開豐島時會放回碼頭收集箱, 大叔唔同意。作為一個工程師, 一個成年男人, 理性上我明白大叔呢個係規矩, 但作為一個爸爸, 我感覺到失望。
之後個仔強迫症上身不停講個大叔沒收咗佢把雨傘, 直至在碼頭, 有貓同個仔玩先至開心返。
- 旅行日期 : 2019年10月9日
- 地點 : 豐島橫尾館
- 地址 : 〒761-4661 香川県小豆郡土庄町豊島家浦2359
- 地圖 : https://goo.gl/maps/epBwX95ajtHc7enz9
- Mapcode : 高松港 60 666 094*71
- Google Plus Code : 高松港 923X+MF 高松市 日本 Kagawa, 豐島橫尾館F3P5+PR 土庄町 日本 Kagawa
- 網址 : http://benesse-artsite.jp/art/teshima-yokoohouse.html
- 豆評級 : 值得一去。
#豆豆日遊 🙋🏻♂️🙋🙋🏻 #豆豆藝術 #瀨戶內國際藝術祭 #SetouchiTriennale #豐島 #香川 #高松 #家浦港 #豐島橫尾館 #橫尾忠則
- 謝謝閱讀。
👇👇👇歡迎轉載，請註明出處，如果覺得有用請讚好我們的 Facebook專頁，分享給朋友，當有新文章時就可以優先知悉，謝謝。
- 🙋🏻♀️🙋🏻♀️🙋🏻♂️關於其他的分享, 請點擊以下地圖, 圖示內的連結。
