豐島行程安排建議

瀨戶內國際藝術祭2019 系列回顧 (31/?)

豐島行程安排建議

圖文不符

原來唔記得分享交通安排，哈哈。

瀨戶內海國際藝術節有兩個通行證要買，首先第一個係藝術品鑑賞通行證。佢有分單季或三季票，好似我們作為遊客，只是去秋季會期，買單季票就可以。只是去粟島已值回票價。

我哋去嗰幾日，見到有部分日本人係買3季票，咁當然買三季票其實係好值，瀨戶內海國際藝術節成個活動有咁多個島有藝術品可以參觀，其實去三四日係睇唔完。

另外第二個通行證就是三日船票，可以在高松港旅客ターミナルビル購買。反而買唔買依個三日船票，個人覺得可圈可點。雖然我哋去咗四個島，玩咗四日，但呢個三日船票我哋係用唔曬。

三日票只可以乘搭慢船，同汽車渡輪，快船是不可以乘搭。去小豆島因為我哋揸車上去，汽車運費已包括司機的船費。由高松去豐島哪程，還大部分都是快船。如果乘搭慢船去豐島，一日係玩唔完豐島，除非是兩日一夜行程。

去男木島相對簡單，用三日船票是冇煩惱。

如果只計船票，我哋個行程分開單程買會比買三日票平，不過點都好我哋都買咗三日票，因為我哋覺得可以另類支持瀨戶內海國際藝術節，希望佢可以持續舉行。

我唔記得究竟是藝術品鑑賞通行證，還是三日船票，只要出示其中一個通行證，職員會為你蓋印，就可以喺碼頭旁嘅停車場全日泊車。

如果要我重新安排豐島嘅行程，假設是藝術會會期有穿梭小巴行走，我會建議由岡山宇野港去家浦港，先參觀豐島橫尾館和針工場，再回家浦港乘搭循環小巴去島廚房一帶，參觀完就再行斜路落豐島美術館之後再行落唐櫃港玩完就一次過乘小巴回家浦港回宇野。

- 謝謝閱讀。

👇👇👇歡迎轉載，請註明出處，如果覺得有用請讚好我們的 Facebook專頁，分享給朋友，當有新文章時就可以優先知悉，謝謝。

- 🙋🏻‍♀️🙋🏻‍♀️🙋🏻‍♂️關於其他的分享, 請點擊以下地圖, 圖示內的連結。